車仔麵世家

营业中

休息中

喺中环返工，梗系要识捐窿捐罅揾嘢食啦。如果唔系好似我呢啲"长崎凉美"嘅人,成日食七八十蚊嘅话我份量点够畀呀。今次我就介绍一间40零蚊都可以食得够饱又好好味嘅车仔面。呢间车仔面如果你唔系lunch十二点落嚟，我谂你都要等三四个字先可以入到去。究竟有几好食?就等我话畀大家知啦。今次我就叫咗一碗四𩠌粗面。𩠌有鸡翼，鱼蛋，猪大肠同埋酸斋。 𩠌嘅份量你都睇到啦，都唔算少㗎!鸡翼有两只, 鱼蛋有5粒, 卤水猪肠嘅份量亦都唔少啦，而酸斋都大概有2至3旧。首先鸡翼唔算卤得好入味，但鸡肉依然是嫰滑，卤水味再入味啲就更加good嘞。 而鱼蛋中规中矩亦好弹牙嘅。我好钟意食呢度嘅猪肠，因为佢切嘅大细啱啱好，又唔会切得太大旧。卤水猪肠亦入味够林。呢个酸斋，酸酸甜甜浸落汤度食非常之好味。今次 最最最惊喜呢，其实系我第一次食呢个麻辣酱，虽然叫左小辣，但我估唔到佢依度啲麻辣酱，真系好有四川麻辣风味呀。食落去 够晒麻香。以咁嘅份量喺中环食都系45蚊，仲要配埋冻饮，坚系穷人恩物呀。