百味鮮辣蟹專門店 (已結業)

约左朋友西环影日落同天空之境，影完行出黎系电车总站对面既呢间餐厅，听佢讲坚尼地城除左楼价之外，餐厅都坚离地，呢间食物水准同价钱都算贴地，所以一早订左位，行出黎唔使等位就可以入座。冰川冻鲍，口感一流，上面个个唔知咩汁，冰底塾住，买相好哗哗哗，呢个一上，第一时间相机食先，上枱时只猫识喷烟，应该系加左干冰，外脆内暖，值得一试。黑白芝麻鸡，呢个呢，好似比较少地方有得食，成只鸡外面沾满晒黑白芝麻，但食起黎好香，鸡都唔会太干，好味道。主角黎啦，避风塘炒蟹，啲蒜蓉劲好食，我用黎𩠌饭，食完先知有二食可以炒米粉，蟹好大只实肉，加埋枝ASHAI ，爽爽爽。由于同行有人唔食得辣，所以叫左只姜葱传统既味道黑松露蛋白炒饭，饭干身，虽然齌齌地，只有菇粒菜粒同蛋白，但加埋啲黑松露酱又几好食㖞，上枱已经闻到好香了。成枱呢个比较逊色小小，唔系因为唔好味，系因为佢一上枱个卖相差左少少。总括黎讲，味道好好，价钱都唔算好贵，下次再黎希望可以保持到水准。