漢發麵家 (告士打道)

营业中

休息中

以前去深水埗净系食过维 x 嘅洗衣粉猪润面。依家深水埗另一间知名嘅汉发杀出港岛，有机会试到新嘢啦！汉发嘅汤底相对无乜姜味，同埋无咗洗衣粉泡沫。比较似一般公仔面汤底，不过枱面有好多唔同嘅调味例如啲日本麻油，泰国源顺号白胡椒粉等等比你自行加添风味~猪润方面个人觉得比维x 出色太多！系真实嘅厚切而且熟度啱啱好，所以食落口感爽嫩完全无𠮶种鞋口同埋粉感~而且份量十足，𠮶五大块猪润真系斋食唔讲个面都好饱肚~ 太饱所以无加牛肉同埋食唔到另一个名物圆形西多了~整体系好满足。但真系要弹嘅系点解嘢饮跟餐无得平... 搞到成件事性价比即刻低咗~ （称不上系平民美食）