Simplylife Bakery Cafe

营业中

休息中

周末嚟食晏，企门口等咗唔使半个钟就有位。冇帮衬呢间字号一段长时间，今次重新发现而家跟餐面包唔再系一篮子，变咗一人一大件。系好事呀，唔再造成大浪费。呢餐最惊喜嘅系煎鱼意大利烩饭，因为佢劲多汁，呈现出强烈嘅泡饭模样，完全颠覆咗意大利烩饭嘅既定形象，块煎鱼更变咗做湖上泛舟。跳过汉堡系列转叫牛肉煎蛋法包配黑醋汁沙律菜，遇上欠肉味、调味唔够嘅薄切牛肉。估计中伏机会最低嘅炸鱼薯条，卖相有啲啲赶客，见到时忍唔住笑。味道非常普通嘅一餐，喺限时 90 分钟内完成。够钟前 15 分钟，店员有礼地要求埋单，到真系够钟，佢再嚟温提。个程中唔会令人有 hard feeling，好好。