春水堂 (美麗華廣場1期) (已結業)

疫情之前，每一～两年就会去台湾一次。望返d相，对上一次去台湾已经系2019年头嘅事🥲🥲自从春水堂系香港开分店后，都食过几次🍴每次到食饭时间，一定排长龙。趁今日放假，早啲去食咗先😋今日唔算好旺，一嚟到就有位。就算餐厅封咗后半部嘅枱，都未坐满。叫咗鲁肉饭、蒜泥白肉、珍珠红豆鲜奶茶。可能食客唔多，加上食物唔系太复杂，等咗5分钟左右就已经有嘢食。鲁肉饭 ($28) 份量啱啱好，有肉松、肉粒，仲有冬菇粒。肉粒唔系每粒都有肥猪肉㗎，啱我呢啲怕食肥膏嘅人，食完罪疚感都冇咁大😆蒜泥白肉 ($38) 上面有两粒大辣椒，唔系好食得辣嘅我，第一时间拎走佢😂。酱汁本身冇辣味，只要拎走辣椒，唔食得辣嘅人都可以食。 蒜泥唔系好呛喉，上面有啲姜丝，肉下面有青瓜丝。珍珠红豆鲜奶茶 ($38) 其实差唔多每次食春水堂，都系叫呢杯饮品，因为只有红豆系列系用鲜奶，其他系用奶精。希望佢第时会考虑其他奶茶都用鲜奶啦🥛因为今日系一个人的午餐，叫唔到好多嘢食，其实都唔系叫咗好多台湾小食😂之前食过佢嘅盐酥鸡系唔错，盐酥杏鲍菇就麻麻哋啦🙅🏻‍♀️其实想试吓个台湾米糕，不过惊食唔晒，唯有等下次同朋友一齐嚟食先叫🍴我几钟意美丽华一期分店，落