恆發雞蛋仔 (已結業)

之前为食猪食过呢度嘅芋泥鸡蛋仔，印象都几深刻，因为啲芋泥多到夸张。呢日去到观塘，为食猪又心思思想食，最后拣咗紫薯鸡蛋仔。望住店员整嘅时候好用力咁将紫薯蓉搽满成底鸡蛋仔。新鲜整起拎到上手热辣辣，感觉到底鸡蛋仔好坠手，用料十足。食落紫薯蓉好绵密，鸡蛋仔脆身但可惜太薄，为食猪即刻觉得太多紫薯蓉都未必系好事。食到最尾仲有少少辛苦，因为实在太饱肚喇，紫薯蓉仲有少少过甜，变得好腻。难怪见啲街坊多数都系买原味啦。