影片
更多
6天前
0 浏览
今日有过到嚟尖沙咀呢边梗系唔少得去美食集中地嘅厚福街睇吓有咩啱食啦，但系因为最近减紧肥，所以最后选择咗入去水门鸡饭，入到去因为系lunch Time，所以人都比较多，要喺门口等一阵位。坐低之后就自己scan QR code落单，不过我自己本人就钟意睇一大张餐牌，感觉上可以一眼睇得到成间餐厅有啲咩食。咁餐厅入边嘅选择都比较多，由于我需要摄取蛋白质嘅关系于是就直接叫咗半只海南鸡一碗牛肉船面，一个马拉盏通菜同埋嘢饮方面就叫咗一个椰青半只。海南鸡嚟到嘅时候，见到份量亦都唔少，其实两个人食都差唔多，而且肉质嫩滑，鸡皮亦都唔会好肥腻，而且配上佢哋店舖嘅辣汁，简直就系非常惹味。船面嘅话就见到好多𩠌，差唔多有成四/五大块嘅生牛肉，而且汤底唔会过咸，几适合我嘅口味，同埋配搭上几粒牛丸，整体上嚟讲呢个价钱同埋质素都系非常之抵食。另外叫咗一个马拉盏通菜，估唔到50几蚊嘅菜量有咁多，差啲食唔晒，通菜镬气好够，而且调味都系偏浓，所以配搭上和牛船面食嘅话就啱啱好，亦都可以增添返呢一餐嘅摄取蔬菜份量。由于减肥嘅关系都唔想饮太多甜嘢就直接叫咗一个新鲜嘅椰青，咁店家亦都好窝心咁将椰青放喺一个盘上面先至俾我，因为椰青始终
坐低之后就自己scan QR code落单，不过我自己本人就钟意睇一大张餐牌，感觉上可以一眼睇得到成间餐厅有啲咩食。咁餐厅入边嘅选择都比较多，由于我需要摄取蛋白质嘅关系于是就直接叫咗半只海南鸡一碗牛肉船面，一个马拉盏通菜同埋嘢饮方面就叫咗一个椰青半只。
海南鸡嚟到嘅时候，见到份量亦都唔少，其实两个人食都差唔多，而且肉质嫩滑，鸡皮亦都唔会好肥腻，而且配上佢哋店舖嘅辣汁，简直就系非常惹味。
船面嘅话就见到好多𩠌，差唔多有成四/五大块嘅生牛肉，而且汤底唔会过咸，几适合我嘅口味，同埋配搭上几粒牛丸，整体上嚟讲呢个价钱同埋质素都系非常之抵食。
另外叫咗一个马拉盏通菜，估唔到50几蚊嘅菜量有咁多，差啲食唔晒，通菜镬气好够，而且调味都系偏浓，所以配搭上和牛船面食嘅话就啱啱好，亦都可以增添返呢一餐嘅摄取蔬菜份量。
由于减肥嘅关系都唔想饮太多甜嘢就直接叫咗一个新鲜嘅椰青，咁店家亦都好窝心咁将椰青放喺一个盘上面先至俾我，因为椰青始终形状有机会喺枱上面郁嚟郁去。
总数埋单食咗240几蚊虽然一个人嚟讲呢个食量系有啲多，不过因为减脂增肌嘅关系就唯有摄取多啲protein啦！整体上都系推荐大家过嚟食，见佢平时啲lunch set都系50零$60就有一个，而且仲有下午茶拣！如果上班一族喺附近返工嘅话都可以考虑吓！
张贴
