影片
更多
2016-07-01
742 浏览
讲起墨西哥你会谂起乜？仙人掌？墨西哥阔边帽？辣椒仔？晌开饭网查一查，专卖或兼卖墨西哥菜嘅餐厅大概有40多间，数量唔算少，但睇番小弟嘅足迹，原来都只喺到访过中环嘅Mr Taco Truck，但都已执笠咗，真可惜。今夜，走访荔枝角厂厦，程班长实在太多人等位，倒不如试试隔离家墨西哥小店「Picoso」 。小店门面已睇得出佢喺卖墨菜，因为大大樖仙人掌及墨西哥帽，而入到店内装修都几骨子，一室木条墙身，挂有唔少墨国嘅相关物品，就连餐纸都用上火辣辣嘅红色，富中美洲风情又唔讲得，但就轻松自在。虽然小店，但餐牌制作又几认真，简单嚟讲，类别方面包括头盘、主菜、沙律、甜品，但头盘中，其实有唔少不同口味嘅墨西哥栗米脆片，而主菜里，有数款墨西哥卷饼，都喺较具墨西哥特色嘅美食 。不过，无图文并茂就少咗份参考，因为几款卷饼都好相似，一下子都睇唔到其分别。佢哋唔收加一，抵赞，但年轻嘅店员都招呼得落力，只喺经验浅啲，有啲细节位就忽略咗。有食物嘅餐牌，却无饮品餐牌，因为选择唔多，晌晒餐厅尾嘅雪柜度，自取后同店员讲声就可以喇。一般汽水$8罐，果汁能量水$12支。朋友要罐玉泉嘅「柠檬+C」（$8），小弟就拣咗支电解质饮品
小店门面已睇得出佢喺卖墨菜，因为大大樖仙人掌及墨西哥帽，而入到店内装修都几骨子，一室木条墙身，挂有唔少墨国嘅相关物品，就连餐纸都用上火辣辣嘅红色，富中美洲风情又唔讲得，但就轻松自在。
虽然小店，但餐牌制作又几认真，简单嚟讲，类别方面包括头盘、主菜、沙律、甜品，但头盘中，其实有唔少不同口味嘅墨西哥栗米脆片，而主菜里，有数款墨西哥卷饼，都喺较具墨西哥特色嘅美食 。不过，无图文并茂就少咗份参考，因为几款卷饼都好相似，一下子都睇唔到其分别。佢哋唔收加一，抵赞，但年轻嘅店员都招呼得落力，只喺经验浅啲，有啲细节位就忽略咗。
有食物嘅餐牌，却无饮品餐牌，因为选择唔多，晌晒餐厅尾嘅雪柜度，自取后同店员讲声就可以喇。一般汽水$8罐，果汁能量水$12支。
朋友要罐玉泉嘅「柠檬+C」（$8），小弟就拣咗支电解质饮品「橙味维他命水盈」（$12），感觉有少少似以前饮过嘅橙味得力素。最搞笑出门口时，见隔离间整饼材料店都有得卖，仲$10支添 ，有啲打对台嘅感觉 。
牛油果酱配玉米薄脆 $42 先点一客粟米脆片，边食边倾，晌超市都有好多依类墨西哥粟米脆片买，但卖点喺店家嘅自家制鲜牛油果酱，有咩成份晌餐牌中都有列明，包括：牛油果、洋葱、芫茜、辣椒、鲜青柠汁，所以，入口味道复杂有层次，集多种味道，食起嚟叫人好醒神。
特色蟹饼 $52 如果蟹饼整得好，喺一道好好味嘅菜式，点一客试试睇佢做成点。一客有两件蟹饼，炸得金黄，又无话油淋淋，伴有沙律菜、青柠及一小兜千岛酱，不过，就唔喺餐牌写嘅烟椒青柠酱。
特色蟹饼
$52
29 浏览
1 赞好
0 留言
烤牛肉大卷饼 $78 无论喺烤玉米饼皮、大卷饼、玉米饼皮卷或炸饼皮包，主要都喺以烤牛肉、烟熏手撕猪肉及烤鸡肉为口味，而大卷饼拣咩口味，款款都卖$78。以墨西哥玉米饼卷住烤牛肉丝、玉米粒、新鲜烤洋葱、杂椒、碎芝士、豆蓉，再晌成品搽上牛油果酱、蕃茄沙沙及酸忌廉，另配上红蕃茄酱及黑豆。
咪睇佢样好似细细件，但真喺唔讲得笑，卷出嚟嘅成品大件而坠手，斤两十足，里面塞满馅，一啲虚位都无，烤牛肉又落得无手软，口感丰富，味道纷陈，惹味得嚟又有少少清爽感 ；再加上面层放啲牛油果酱、蕃茄沙沙，食得更滋味，反而，啲红蕃茄酱好似有啲多余，落唔落都无紧要，至于啲黑豆，我当喺就咁食。
烟熏手撕猪肉炸饼皮包 $80 好似大卷饼咁，无论拣咩口味，价钱归一，款款都喺卖$80。依次就拣烟熏手撕猪肉，一样卷饼内塞满玉米粒、新鲜烤洋葱、杂椒、碎芝士及豆蓉，唯一唔同嘅喺包好后再炸一炸，跟住淋上牛油果酱、蕃茄沙沙、酸忌廉，同样配红蕃茄酱及黑豆上枱。
烟熏手撕猪肉炸饼皮包
$80
14 浏览
1 赞好
0 留言
朱古力布朗尼 $42 朋友喺甜点死粉，唔食过甜品难解心瘾，小弟对甜品就一样欢迎之至啦。布朗尼入口暖暖哋，朱古力味超香浓，口感微微湿润软身，喺有水准嘅出品，只可惜无加入合核啫，却伴有士多埤梨、蓝莓，及跟一球云呢嗱雪榚 。
厨师晌厨房内默默耕耘，睇得出小店用心做菜，况且，墨西哥菜对大部份港人唔陌生，却又唔熟悉，而且，相类似嘅餐厅唔多，相信佢哋应有一番作为。
张贴
