CACTUS

营业中

休息中

香港充斥中西日韩餐厅，食到都会闷闷地，🤩新开嘅呢间墨西哥🇲🇽餐厅。令人耳目一新。环境方便偏西式，可以同朋友一边食一边倾偈💬阔落又舒服。墨西哥菜，又点可以少得Taco $42。试咗三文鱼牛油果🥑，主打烟熏三文鱼配牛油果酱，再加洋葱、粟米、蕃茄、意大利香料等等，外皮薄脆，香料味比较浓烈，口感丰富。墨西哥风味烧脆皮乳猪 $398平时钟意食乳猪嘅我，听到都觉得好吸引🤩。即叫即处理，所以都等咗一段时间。不过呢种等待系好值得嘅。乳猪上枱香气扑鼻，好有份量。3-4人食都好够。乳猪皮松化香脆，皮与肉之间嘅油脂香口而唔会太肥。可以配正宗墨西哥黑饼皮，感觉就似系中式嘅片皮鸭食法，黑饼皮充满着麦味，大大减低油腻感。仲有配有三款酱，烧烤酱、菠萝薄荷酱同墨西哥辣酱。最中和油腻感嘅系菠萝薄荷酱，墨西哥辣酱最惹味。饮品就试咗dr.kiwi 同 before dating. 两杯饮品都调校得唔错，唔会太甜。dr.kiwi充满着薄荷味比较fresh。before dating就系葡萄柚甜酸甜酸酸咁。