Andy's Garage (已結業)

大坑多好既餐厅都个个都知架啦，但原来想食好味又正宗既墨西哥菜都可以系呢度揾到！多谢晒朋友既介绍！墨西哥鸡翼，以为会辣到跳舞，食落又唔会㖞！味道同Buffalo wings好似，炸过之后再有绵密既酱包住成只鸡翼，咬落执口感丰富之外仲好多汁，口味唔算太重，食两三只都唔会腻。墨西哥芝士脆片！人生中最爱菜式既头十位！芝士脆片同出面既餐厅唔同，并唔系用食开个重零食芝士脆片蒙混过关，而系用上真正既墨西哥脆片，加上大量热融芝士、忌廉、牛油果酱同番茄粒，味道丰富，芝士同脆片既份量岩岩好，令人忍唔住食完一块又一块！炸薯角，唔好见佢咁普通，其实好推荐佢既炸薯角？即叫即炸之余，仲要炸得火喉岩岩好，咬落口先可以做到新鲜、香脆大size既莎乐美肠芝士pizza,同样地又系芝士满满，饼底脆身，加上大量番茄酱铺面，咬到口感极正，味道一流最后就系重头戏，tacos! 脆片包住莎莎酱、鸡肉、酸忌廉、番茄酱等等，一咬落口就知佢份量唔野少，加上芝士满满，食落口感好正！一个人独食左两旧，真系好难得有咁好味既墨西哥菜呀！😍❤️