影片
更多
2022-02-12
407 浏览
平时系附近做完野都会去观塘 Cali-Mex Taqueria 露天茶座位置食个下午茶，最近疫情关系就叫咗晚餐外卖返屋企食，等我今次影啲靓相讲下就算系屋企都可以好有feel好有口福咁食到墨西哥菜🥰🟡 TACOS 墨西哥夹饼每款墨西哥夹饼都有好多不同嘅食材配搭，包括生菜、蕃茄、洋葱、芝士、火箭菜等，可以挑选一种肉馅作主要馅料，我就选择咗以下六款：· SOFT FLOUR 薄饼 ($38 for 1)Achiote Chicken 胭脂树红籽鸡选用马雅红酱去腌制，带酸辣嘅味道为一丝丝嘅鸡肉抹上一层吸引人食欲嘅橙红色，令人食指大动！Chipotle Pulled Pork 烧烤味手撕猪肉手撕猪肉口感软腍，再配上墨西哥辣椒酱去调味，充满烟熏辣椒嘅香气，同时微辣之中带点甜Grilled Chicken 烤鸡胸肉入面满满嘅鸡胸肉粒烤得香口而完全无焦㶶，加上sour cream发酵乳酸菌嘅酸乳味增添味道上嘅层次Aus Grass Fed Tenderloin 澳洲草食里脊肉 (+$20)猪里脊肉系与大排骨相连嘅嫩肉肉质特别柔软嫩滑，草饲饱和脂肪较低较健康，肉味会相对更香甜· CRISPY CORN
🟡 TACOS 墨西哥夹饼
每款墨西哥夹饼都有好多不同嘅食材配搭，包括生菜、蕃茄、洋葱、芝士、火箭菜等，可以挑选一种肉馅作主要馅料，我就选择咗以下六款：
· SOFT FLOUR 薄饼 ($38 for 1)
Achiote Chicken 胭脂树红籽鸡
选用马雅红酱去腌制，带酸辣嘅味道为一丝丝嘅鸡肉抹上一层吸引人食欲嘅橙红色，令人食指大动！
Chipotle Pulled Pork 烧烤味手撕猪肉
手撕猪肉口感软腍，再配上墨西哥辣椒酱去调味，充满烟熏辣椒嘅香气，同时微辣之中带点甜
Grilled Chicken 烤鸡胸肉
入面满满嘅鸡胸肉粒烤得香口而完全无焦㶶，加上sour cream发酵乳酸菌嘅酸乳味增添味道上嘅层次
Aus Grass Fed Tenderloin 澳洲草食里脊肉 (+$20)
猪里脊肉系与大排骨相连嘅嫩肉肉质特别柔软嫩滑，草饲饱和脂肪较低较健康，肉味会相对更香甜
· CRISPY CORN 脆饼 ($38 for 1)
Baja Grilled Fish 巴哈鱼
巴哈鱼系一种低卡路里嘅鱼种通常配搭成墨西哥夹饼，轻轻香煎过嘅肉质较结实同时间保持鲜嫩多汁
Fisherman's Wharf Shrimp 渔人码头大虾
大虾超级爽口而且味道充满鲜甜，经过微微煎香嘅虾身带有少少辛辣嘅味道，令味觉上多一份刺激
🟡 BURRITO 卷饼 $98
配上Grilled Chicken 烤鸡胸肉、黑豆、墨西哥饭、生菜、蕃茄等嘅馅料，再配上GUACAMOLE (牛油果莎莎酱) 格外惹味，薄薄嘅墨西哥薄饼包住所有食材完全唔会干身，新鲜蔬菜嘅水份加上酱汁、黄姜饭嘅辛香、烤鸡嘅香口滋味，令口感与味道非常之丰富！
🟡 MEXICAN RICE 墨西哥饭 $48
另外，加咗一碗细墨西哥饭，墨西哥饭由黄姜粉同青豆香炒而成，配上两款青红墨西哥辣椒酱汁一齐食，香辣程度令人难以抗拒
🟡 CAESAR 凯撒沙律 $98
新鲜爽脆嘅罗马生菜再加上墨西哥玉米片，口感双重享受，再加上脆煎烟肉、巴哈鱼、parmesan cheese，味道营养更多元，最后淋上caesar dressing带出风味
🟡 NACHOS 玉米片 $148
墨西哥玉米片十分之脆口，蘸上牛油果莎莎酱，其中嘅牛油果蓉、香菜仲有青柠汁跟玉米片完美地配合，派对必备
🟡 CHURROS 甜炸油条 $48
钟意食甜食嘅我就紧系会叫一份甜品啦，要做到churros外脆内软中心位置呈网格状一啲都唔容易，味道上甜而不油腻，再蘸上焦糖酱，绝对系甜品经典之选
🇲🇽墨西哥菜系香港比较niche，好欣赏Cali-Mex Taqueria所有菜式都选用香料与食材本身嘅味道作配搭，而且位置方便于观塘商厦之中返工放工都可以外卖上office或者屋企食，服务员热情亲切英语对答倾下偈，每一次光临都系愉快回忆！
张贴
