Hunger Point (已結業)

墨西哥会令你谂起乜嘢，好大顶帽，结他，抑或系辣椒酱？我就会想起 Taco。Happy Friday，lunch 就梗系要揾啲好嘢食开心下，有乜会好得过热情嘅墨西哥。之前系骆驼漆行上行落都见到呢间餐厅，一直想试吓但啲朋友次次都话食其他嘢。今日一支公，自己话事，出发！又系好贪心咁叫好多嘢：Taco set ，包括墨西哥辣鸡、猪腩肉、玉子豆腐。三款都好食，我特别欣赏豆腐个酱汁，配上炸过嘅豆腐，素菜来讲好香口但唔会油腻。蕃茄浓汤配多士，出奇地好味，一定要试。洋葱圈、芝士nachos，呢两样就普通。蝶豆花lime soda，酸酸地，醒神又唔会太甜。简单讲，值得大家试吓。