影片
更多
2015-07-14
1798 浏览
同哈韩嘅朋友当然投其所好，食番韩菜，几类韩菜中，朋友觉得食韩烧最过瘾，有气氛，又可以自己动手烧吓，所以，小弟是晚就挠埋双手等食。踏入餐厅，发觉个铺有啲三尖八角，但枱与枱之间拍得唔逼，部份份又有啲屏风隔住，所以，我哋就刻意拣最入嘅4人枱，多啲私人空间，又少啲骚扰，至少唔使惊嘈住人哋。此外，烤炉用下抽式抽风，即炉边已设有抽风，效果几好，食完都唔觉一头烟！虽然嚟食韩烧，但发觉其他菜式有唔少选择，所以，韩烧方面就拣咗两款肉，另外，再加两款韩食。佢哋有多款二人（$428-$648）或四人套餐（$838-$1,138），睇落份量十足，相信二人套餐够晒三个人食，四人套餐亦够五个人食。前菜按惯例，先嚟多款韩式前菜，分别有韩式泡菜、翠玉瓜、鱼片、鱼干、甜薯仔同大豆芽共6小碟。整体味道唔错，个人较喜欢甜薯仔同大豆芽，前者粉腍微甜，几得意，后者爽口带麻油香，简单美味。炉中蛋上菜期间要点时间，除食住前菜，一开始店员已准备个「炉心蛋」，之前试过好几次边边蛋，今次晌炉中间煮蛋都喺第一次，店员会全程帮你搞掂，无需费心，一砵鸡蛋煮好，有啲似蒸蛋嘅感觉，嫩滑而富蛋香。真喺叫个饭，食啲前菜，加啲蛋都够一餐。蔬菜篮食韩烧，
踏入餐厅，发觉个铺有啲三尖八角，但枱与枱之间拍得唔逼，部份份又有啲屏风隔住，所以，我哋就刻意拣最入嘅4人枱，多啲私人空间，又少啲骚扰，至少唔使惊嘈住人哋。此外，烤炉用下抽式抽风，即炉边已设有抽风，效果几好，食完都唔觉一头烟！
虽然嚟食韩烧，但发觉其他菜式有唔少选择，所以，韩烧方面就拣咗两款肉，另外，再加两款韩食。
佢哋有多款二人（$428-$648）或四人套餐（$838-$1,138），睇落份量十足，相信二人套餐够晒三个人食，四人套餐亦够五个人食。
前菜按惯例，先嚟多款韩式前菜，分别有韩式泡菜、翠玉瓜、鱼片、鱼干、甜薯仔同大豆芽共6小碟。整体味道唔错，个人较喜欢甜薯仔同大豆芽，前者粉腍微甜，几得意，后者爽口带麻油香，简单美味。
炉中蛋上菜期间要点时间，除食住前菜，一开始店员已准备个「炉心蛋」，之前试过好几次边边蛋，今次晌炉中间煮蛋都喺第一次，店员会全程帮你搞掂，无需费心，一砵鸡蛋煮好，有啲似蒸蛋嘅感觉，嫩滑而富蛋香。真喺叫个饭，食啲前菜，加啲蛋都够一餐。
蔬菜篮食韩烧，另一样嘢唔少得就喺生菜，用嚟包住啲烤肉食。依道一起手就送嚟一大碟蔬菜，有生菜、紫生菜、娃娃菜，加埋甘笋条、青瓜条，后两者可以就咁净食，香脆可口。
腌LA牛肋骨 $138今晚简单啲，只点一款牛，一款猪，无独有偶，朋友所拣嘅两款肉都喺有腌过嘅。一次过烧晒两大条牛肋骨，油香四起，先净食一件，牛肋肉肉香味浓，肉汁丰盈。再剪去骨位，加蒜片，包生菜食，另一番滋味，香浓中有几分清爽。
腌LA牛肋骨
$138
61 浏览
0 赞好
0 留言
烤猪肉（辣） $128虽然话辣，但一啲都唔霸道，只可以讲喺微辣，但越食越惹味，因为猪肉调得几透，此外，由自已烧，烧㶶多少少，更加香口，又够软腍。
烤猪肉（辣）
$128
32 浏览
0 赞好
0 留言
炆牛肋骨 $128其实，本来肉类都够皮，但店员推介佢哋嘅炆牛肋骨，心郁郁又想试。一窝牛肋骨都有唔少件，而且内里仲有少少韩式年糕同萝卜。牛肋骨虽然件头厚厚，但的确炆得好松化入味，萝卜亦好清甜，但年糕似乎煮得过火少少，腍腍散散咁。
炆牛肋骨
$128
59 浏览
1 赞好
0 留言
海鲜刀削面 $88几款韩式粉面当中，较好奇依款韩式刀削面喺点！睇外观，跟平时见到嘅山西刀削面揾刀削有啲唔一样，似切多过削，但点都好，汤头几甜，而海鲜料就只喺青口同鱿鱼，面就稍为腍咗啲，个人觉得普普通通。
海鲜刀削面
$88
123 浏览
0 赞好
0 留言
冻韩式梅子茶 $25一边食韩烧，就梗要一边饮住嘢，小弟拣梅子茶，梅子香味非常突出，好有酸香消滞之感，又够冰凉。友人就拣韩国雪梨汁，$20一罐。
冻韩式梅子茶
$25
37 浏览
0 赞好
0 留言
回忆的红豆冰 $28（中）、$38（大）中份只喺$28，都几平，刨冰上洒满黄豆粉、杏仁片、红豆及一粒麻糬，一大兜，真喺几抵。红豆好清甜，黄豆粉、杏仁片捞匀啲刨冰几好食，不过，啲刨冰质感好粗，跟平时食到柔滑嘅冰沫喺另一回事。事后跟个店员问开，话以前啲韩式刨冰好粗，喺依家越做越精细，「回忆」可能喺老板儿时嘅味道，原来如此！
回忆的红豆冰
$28
81 浏览
1 赞好
0 留言
临走等电梯时，发现佢哋仲搞埋韩国菜烹饪班，实行多元化发展，隔个星期日晏昼开班，$700 / 4堂，唔贵㖞。
虽然依家韩烧开到成行成市，不过，间间店都有啲唔同嘅变化，又或有几招独门绝招，绝无墨守成规，保守不肯改变，就好似今晚遇到嘅「炉中蛋」，又见识多一样嘢喇！
张贴
