黃明記粥粉麵家 (已搬遷) 新店位置

Fiancé 上星期试左呢度既墨鱼丸墨鱼须河粉，大赞呢度既墨鱼丸好特色，好重墨鱼味，话带我去试下。入到去见到墙两边都有唔同颜色既menu，好旧式既感觉。见人推介粘，即系平日食个种银针粉，比较特别，系其他食过既粉面铺都未见过。点左个墨鱼丸墨鱼须银针粉。黎到先试左啖汤，好正😍😍好香浓既炸蒜、芫茜同芹菜味。之后加左啲辣椒油，一开开个盖，fiancé 话闻到好辣，叮嘱我唔好落咁多，落完之后连埋银针粉一齐食，的确辣，又好香！正！汤底重有肉碎，好丰富👍🏻👍🏻跟住试下个墨鱼丸，有三粒，唔系好大粒，食落唔系弹牙个种，偏淋，食唔到好明显粒粒墨鱼，马蹄就好明显，好爽，但整体唔系我钟意既类型。相反墨鱼须就正好多，够爽脆，软骨位置重脆！好钟意🤤🤤🤤呢度招牌除左墨鱼丸重有猪肉丸，叫左碗肉丸粥，粥底几绵，猪肉丸有五粒，唔系弹牙，但我就钟意肉丸淋啲，食得出肉味。不过我食完唔够满足，份量比较细，下次黎想试蚝仔粥同墨鱼须河粉或者面。