Lab 66 (已結業)

自从上次试过Lab66后，之后朋友约旺角食饭的餐厅名单就多咗一间。今年，朋友就为Lab66点灯，话觉得佢的菜式好得意，好想试。芒果软壳蟹卷，外层用较厚的薄饼皮包住，而里面就放满了沙律菜、芒果同软壳蟹。各种配料的份量控制适中，因为沙律菜可去除炸软壳蟹的油腻感，再加上芒果和沙律酱，味道很Fresh。锅仔广岛蚝饼，朋友话见呢道菜好红，点都要试试。上枱时，从视觉和听觉都感受到个锅仔的热气，见佢咁吸引，马上快口试一试，点知，好热呀！！试落去，呢个蚝饼一啲都唔失礼，用料足，仲要系厚切版，唔怪得系呢间餐厅的人气之选。黑豚肉柳配茄汁吞拿鱼长通粉，大家对于叫唔叫呢道菜，犹豫咗好耐，点解？咪因为面头果块大大大芝士，真系超爆魔鬼的诱惑。长通粉的口感是偏硬身的，刚好是我喜欢的口感。黑牛，大家童年的回忆，既然已经走入魔道，都不在乎一杯黑牛，最惊喜的是那个朱古力雪糕球，劲爆朱古力味。其实Lab66的手功雪糕，一直都是这店的卖点之一。