影片
更多
2008-08-03
2 浏览
昨日约了罗兰士过港岛攞舞龙牌, 之前同姚东师傅食个lunch, 知师傅呢排工作压力好大, 于是乎揾个近近哋佢又relax既地方, 见呢度d相同评语ok, 加上气氛应该对味, 一于试试!由于时间尚算早, 于是乎大把位拣, 最后点完菜, 俾完钱就上楼上睇吓坐边, 真好彩俾我哋揾到个望到街既corner位, 好嘢!午餐配搭系1份主菜配2种沙律小弟叫了:酥皮杂菜卷, 加了黑椒同茄汁, 几醒胃, 又不会太油太济, 几健康, 唔错唔错!希腊螺丝粉沙律, 感觉几清新, 夏天食意粉沙律, 几好, 唔会太漏, 又能补充体力, 与冷面有异曲同工之妙吧! Feta cheese亦ok.另外个沙律好似叫Rosso losso (唔肯定), 有d沙律菜, 南瓜, 又系Feta cheese, 味道同之前𠮶只差唔几.冻柠茶, 唔系好掂, 茶味欠奉师傅叫了:芝士鸡柳菠菜扁面, 鸡柳淋且滑, 菠菜扁面及芝士味道不算突出, 但整体配合唔错.磨菇炒蛋沙律, 蛋其实有d似玉子寿司咁, 仲有d西芹, 小弟冇试到, 但睇落ok, 份量不少.苹果沙律, 苹果几爽口, 加埋d沙律酱, 酸酸哋, 几开胃.冻咖啡, 师传觉得唔掂.总括
由于时间尚算早, 于是乎大把位拣, 最后点完菜, 俾完钱就上楼上睇吓坐边, 真好彩俾我哋揾到个望到街既corner位, 好嘢!
午餐配搭系1份主菜配2种沙律
小弟叫了:
酥皮杂菜卷, 加了黑椒同茄汁, 几醒胃, 又不会太油太济, 几健康, 唔错唔错!
希腊螺丝粉沙律, 感觉几清新, 夏天食意粉沙律, 几好, 唔会太漏, 又能补充体力, 与冷面有异曲同工之妙吧! Feta cheese亦ok.
另外个沙律好似叫Rosso losso (唔肯定), 有d沙律菜, 南瓜, 又系Feta cheese, 味道同之前𠮶只差唔几.
冻柠茶, 唔系好掂, 茶味欠奉
师傅叫了:
芝士鸡柳菠菜扁面, 鸡柳淋且滑, 菠菜扁面及芝士味道不算突出, 但整体配合唔错.
磨菇炒蛋沙律, 蛋其实有d似玉子寿司咁, 仲有d西芹, 小弟冇试到, 但睇落ok, 份量不少.
苹果沙律, 苹果几爽口, 加埋d沙律酱, 酸酸哋, 几开胃.
冻咖啡, 师传觉得唔掂.
总括嚟讲, 价钱中上, 六,七十蚊, 食物质数ok, 环境是佢攞分既武器, 枱不太密, 我哋坐咗个半钟都冇受过压力, 自由自在咁倾计, 写意! 喺忙碌中, 能有番个有质素既中场休息, 俾多些少钱都甘心嘛, 师傅, 系咪咁话先?
张贴
