影片
更多
2014-02-09
6644 浏览
今年团年饭去时代广场聘珍楼试吓。本来午市去过觉得食物普通，但胜在环境唔错，心谂食团年饭环境舒适都好紧要㗎，睇嚟呢度唔错啩？一早订咗枱，六点去到，见枱摆得唔迫，第一印象良好。年夜饭做两转所以只有套餐和少量散叫以提高上菜效率，是常识吧？(原来唔系，稍后分解。)所以选择有限无问题。计落套餐同散叫所费相差无几，叫套餐好了，食完饭仲有节目，常识话俾我知，套餐胜在够快！(原来又系一厢情愿，详情请继续收看...)上菜逐碟嚟，唔会堆到成枱𩠌，味道似乎亦比午市好。龙虾沙律龙虾够弹牙，上枱时毋须冰镇都够冻，唔驶食到一口碎冰。翅一般水准，散叫餐牌内似乎冇其他汤羹可选择略欠周详。黑松露野菌炒带子其实不错，带子不少兼爽滑，但系冇黑松露味。鸡最正，鸡皮够脆，鸡肉熟得啱啱好。问题来了，食完鸡之后断缆！ 鸡之后应该到鱼，但条鱼失去踪影！侍应话厨房蒸唔切，但环顾四周唔觉有人有鱼食…接近三十分钟，唔饿等到饿，终于见到一条接一条鱼出现！条鱼蒸得唔错，豉油较得几好。断缆一轮之后上菜再唔系一碟接一碟而系要稍等，虽然只系等五至十分钟尚可接受。蟹肉伊面竟然几浓味，有惊喜。红豆沙汤圆红豆沙好味过少馅嘅汤圆。芝麻糕唔太甜有芝麻味。食完
今年团年饭去时代广场聘珍楼试吓。本来午市去过觉得食物普通，但胜在环境唔错，心谂食团年饭环境舒适都好紧要㗎，睇嚟呢度唔错啩？
一早订咗枱，六点去到，见枱摆得唔迫，第一印象良好。年夜饭做两转所以只有套餐和少量散叫以提高上菜效率，是常识吧？(原来唔系，稍后分解。)所以选择有限无问题。计落套餐同散叫所费相差无几，叫套餐好了，食完饭仲有节目，常识话俾我知，套餐胜在够快！(原来又系一厢情愿，详情请继续收看...)
上菜逐碟嚟，唔会堆到成枱𩠌，味道似乎亦比午市好。龙虾沙律龙虾够弹牙，上枱时毋须冰镇都够冻，唔驶食到一口碎冰。翅一般水准，散叫餐牌内似乎冇其他汤羹可选择略欠周详。黑松露野菌炒带子其实不错，带子不少兼爽滑，但系冇黑松露味。鸡最正，鸡皮够脆，鸡肉熟得啱啱好。
问题来了，食完鸡之后断缆！ 鸡之后应该到鱼，但条鱼失去踪影！侍应话厨房蒸唔切，但环顾四周唔觉有人有鱼食…接近三十分钟，唔饿等到饿，终于见到一条接一条鱼出现！条鱼蒸得唔错，豉油较得几好。
断缆一轮之后上菜再唔系一碟接一碟而系要稍等，虽然只系等五至十分钟尚可接受。蟹肉伊面竟然几浓味，有惊喜。红豆沙汤圆红豆沙好味过少馅嘅汤圆。芝麻糕唔太甜有芝麻味。
食完八点半，第二轮都食紧啦！但系门口竟然冇因为头轮迟完而出现人龙，生意欠佳？定系为保质素唔接咁多预订？
本来晚饭食物质素可为呢度加分，奈何呢度运作睇落只可做一轮晚饭，稍为旺场已经经不起压力测试，平反失败。
张贴