麗晶餐廳 (已結業)

以前屋企冇煮饭，就会同屋企人落E间野锯扒，但今次隔左成半年先黎，望餐牌，扒餐一加就加左１５蚊到，大约要65~68蚊冇野饮，都预左，谂住Ｄ质素ＯＫ就冇问题，咁之后叫左个吉列猪扒加斯华力肠，我叫左汁另上，因为惯左自己慢慢淋，咁块铁板黎到之后，已经Ｏ左咀，点解完全冇声既，即刻淋D汁上去，冇反应既，（冇滋滋声）即系块铁板已经凉左好耐冷气啦！好，算，食肠先，点解条肠望落去系向上弯既？哦，原来帮我切开左一半，但揾极都揾唔到另一半，原来真系得一半！！肠已经细仲要得一半！有冇见过咁过份既扒餐？开始唔顺气啦！食吉猪，大Ｘ乐早餐Ｄ猪都靓过佢，起码真系有层炸粉，而Ｅ间野竟然用ＬＵＮＣＨ茶餐果Ｄ汤猪扒，炸到变橙橙地色就算，仲要净系上面有炸下面冇炸粉！！薄到你唔信最好食既就系Ｄ豆！！我以后唔会再黎！！其实今次食之前呀妈都话左好多人都话Ｅ间野差左好多，但我真系太想食扒餐，不过系咁先啦，去大Ｘ乐食仲好，起码个酥皮汤都值，仲要四十几蚊有交易，要我比６０几７０蚊（系土瓜湾）食Ｄ咁既野，真系咪搞我。