歇腳亭 (已結業)

系尖沙咀行咗阵街，行行下有点口渴，就系附近睇下有咩饮。咁岩经过见到Sharetea有出士多啤梨系列饮品，好似几特别，决定买杯试下先继续行街。-草莓欧蕾我谂应该系期间限定个类，见到有宣传位写住系夏日莓果双重奏。另一款系芝士莓莓，本身已经系想拣呢款，但自己对芝士奶盖唔系特别钟意，所以都系拣返草莓欧蕾。加上见到草莓欧蕾有忌廉加士多啤梨酱，好似几得意，想试饮下mix埋嘅感觉。见到宣传牌系写住用明治4.3鲜奶，但饮落牛奶味又唔觉得特别浓厚，奶味唔算突出。饮品上嘅忌廉都算多，但食落唔够轻盈香甜，融合咗士多啤梨酱都无咩特别。由于忌廉份量都唔少嘅关系，最失望系士多啤梨味完全唔够酸甜，亦饮唔到水果嘅鲜甜味，只系有士多啤梨果浆味。