中間道酒吧

营业中

休息中

又系陪老婆大人叹下午茶嘅日子！不过呢次九龙酒店嘅下午茶主题系我钟意嘅士多啤梨，加埋系中西合璧所以都食得好享受。好似第一次食下午茶有中式点心食！呢个粉红松露素菜饺个色就够晒抢眼，食落去都好鬼正因为入面全部都系啲菇菇，加埋黑松露𠮶阵味就更加香口好食嘞。咸点仲有炖鲍鱼伴金箔、沙律酱虾多士、流沙紫薯煎堆仔、法式蟹肉鹅肝包同埋法式慢煮龙虾酥盒，大大件同埋味道都几啱我心水认真唔错㖞。呢度个英式松饼真系大到一个点仲有提子干添！同埋佢用嘅唔系平时白色嘅奶油而系草莓忌廉口味即刻特别咗。甜品又系大大件真系抵食到呢！野草莓冻汤、士多啤梨拿破仑、士多啤梨绿茶卷、金箔草莓意大利奶冻同埋马卡龙全部都有士多啤梨，我就特别钟意做得好香脆嘅拿破仑，我觉得唔系芒果换咗士多啤梨一样咁吸引。呢份士多啤梨热香饼都做得几松软好味㗎最后叹埋杯靓茶爽晒！想食呢个下午茶记得去酒店e shop订位同俾钱有七五折㗎。