諾亞半熟蛋糕專門店 (已結業)

前几日睇完戏，行过去商场就见到有间诺亚，心思思想买个蛋糕返去开心share ~~哈哈 喺铺头睇左阵就决定买个返去食！ 之前已经食过蜂蜜半熟蛋糕，觉得几好食几fresh 又唔甜，所以今次都有信心试新野！当我仲好选择困难时，唔知拣芒果定士多啤梨芝士蛋糕嘅时候，店员好nice，推介士多啤梨芝士蛋糕比我！因为系限定的！唔系成日有！真系好好彩呀！咁都比我买到限定嘅士多啤梨$168！首先讲下蛋糕个卖相先！蛋糕卖相真系唔错，整个蛋糕铺满粒粒士多啤梨，感觉好丰富好多汁！而包装方面，个蛋糕盒都好靓，黄色盒加handle 又好拎，就咁行出街都唔失礼，好窝心嘅系仲有纸袋方便拎住！终于返到屋企可以食啦！首先要拆开包住蛋糕张纸先，然后就切开个蛋糕！wow... 系软嘅芝士蛋糕嚟㗎！试下粒士多啤梨先，真心甜！而芝士蛋糕方面，味道有点乳酪嘅味道，少少酸，但加上士多啤梨同蛋糕底，感觉系甜中带酸，食落唔会觉得好肥好漏！甜度好适合我，家中嘅男士都觉得ok!!而质感方面，食落去有即溶嘅感觉！会想不停食，因为真系好正！整体嚟讲，真系好食过连锁饼店嘅蛋糕，想转下口味可以一试，价钱合理！