華記士多 (已結業)

朋友话带我去食好嘢，但点估到位于后巷嘅港式士多最出名嘅会系日式蛋包饭呢！餐厅饭餐选择不多，当日午餐有蛋包饭和另外两款碟头饭。这里坐位比较少，午饭时候都要等位，所以不少人都选择外卖。芝士咖哩蛋包饭 ($43)作为芝士迷的我，当然要试下加了芝士嘅蛋包饭。饭面的咖哩汁是那种味道偏甜、不辣的日式咖哩，蛋皮整得非常滑溜，完全唔鞋口。有别于一般的蕃茄饭底，蛋皮包着的却是褐色的豉油鸡肉炒饭，捞埋咖哩汁一齐食完全没有违和感。可能比咖哩味盖过左，蛋包饭的芝士味唔算太出，但芝士份量都落得好足，同朋友食到三分二已开始觉得有饱。大大碟嘅蛋包饭连冻饮都只系$43，如果系大商场入面食的话，同一份量嘅蛋包饭连嘢饮起码都要6、70蚊，所以华记性价比非常之高。见到大部分食客嚟到都叫蛋包饭，可想而知已经成为左西湾河街坊嘅名物。