士林棧 (已結業)

估唔到嚟到大角嘴食米线都有惊喜，呢间「士林栈」虽然地方比较难揾，如果由旺角朗豪坊向小巴总站前行都要20分钟，但系食物款式都有好多。呢间店舖地方虽然唔算大，但都几企理，整洁舒适，而且晚市人流唔多，所以都坐得好舒服，而服务态度亦唔错架！饮品方面，呢度都有好多台式饮品，价钱亦普通，唔算特别太贵。呢期咁热，最啱饮清热排毒嘅饮品，顺便亦可以消暑。我地叫咗「冬瓜茶、香芋珍珠、芒果珍珠、哈蜜瓜珍珠」味道浓郁，而且即叫即冲，一定新鲜，而且仲大大杯添。食物方面，我地叫咗「芝士脆皮肠+龙虾丸米线」，蕃茄汤底，比较酸甜醒胃，都好大碗架！啲面条好弹牙，好好食呢碗喺「云吞+鸡肉杨春面」，选用牛肉汤底。近期超多人爱上食秋葵！「肉酱秋葵」好爽口呀！