士林棧 (已結業)

今日同朋友喺旺角附近揾嘢食，行到去大角咀附近，见到有间台湾嘢都几多人，于是入去试下。 见到餐厅宣传紧士林孖宝，梅贵猪扒饭同皇柚鸡扒饭，上边写梅贵猪扒系猪肉中的和牛，于是我点咗梅贵猪扒同皇柚鸡扒饭，另外再加糖心蛋同卤水鸡翼。 过咗一阵梅贵猪扒饭送上，猪扒系切片送上另外喺个碟度。另外个饭系菜饭上面有啲肉燥，个猪扒肉质鲜嫩幼滑，而且用咗佢啲香料，有少少醒胃嘅感觉。 之后皇柚鸡扒饭都送上。鸡扒好大块，切件另外系碟度送上，柚子味好清甜好开胃，而且鸡肉都好鲜嫩，呢个配搭新鲜有惊喜。 最后送上溏心蛋同卤水鸡中翼，溏心蛋有两只分开做4旧，咬开溏心蛋入面啲蛋黄同蛋白都会流出来。而卤水鸡中翼有四只，鸡翼入味，鸡肉鲜嫩。