逸之燒 (已結業)

好耐冇食日本野，同朋友仔样样都想食，上网揾左呢间逸之烧，可以满足晒又样样都想食既欲望。首先黎个三文鱼寿司，鳗鱼寿司，油甘鱼寿司，饱满既鱼生包好成旧饭，鱼生新鲜，食落鱼油好美味。吉列南瓜饼，超松脆既外面，里面甜甜南瓜蓉，正！芝士啡菇，大啡菇厚肉多汁，上面系浓厚烤芝士。芝士年糕，外面煎到金黄，中层烟烟韧韧，个心就系软绵绵芝士。汁烧黑椒安格斯牛肉串，汁烧免治鸡肉棒，汁烧鳗鱼串，鹌鹑蛋串，烧广岛蚝，叫左啲串烧，每串都有自己独有味道，广岛蚝烧完依然肥美多蚝汁。免治鸡肉棒就嫩肉有口感。和风炒杂菜，又炸物又串烧，整个菜平衡下。安格斯牛小扒寿喜烧，牛肉好靓仔，新鲜又红润，而且有牛味，成个锅都咸甜适中，所以加左个白饭送饭，哈！