影片
更多
2009-02-15
2 浏览
13-2-2009一直对呢度好有兴趣, 睇了食友 Superbaby 的食评及相片后, 终于「忍无可忍」, 的起心肝拉埋朋友 J 剖定台0黎食 lunch 了, 0黎到门口已超兴奋! 大家都拣了 Deluxe 寿司定食 ($200):- 前菜 #1 系海带丝, 粉粉甜甜 (木鱼汁?), 洒上芝麻, 多一份香口; #2 系芽菜, 一样甜甜的, 爽爽脆脆, 清新开胃.- 蒸蛋: 好滑溜, 不过我觉得味道稍咸; 配料除0左常见的银杏, 鸡肉, 鱼蛋, 不知名菇菌及不知名香叶 (哈哈, 唔好意思, 我实在太孤陋寡闻了 ^_^") 之外, 呢度的仲落了日本年糕 (!!), 烟烟韧韧黏黏的又带点米香, 效果又唔错.- 主角系 8 件寿司, 6 件小卷及一件甜蛋... 寿司饭醋味刚好, 握得 bite size,「稳固度」恰到好处, 劲! 最正系我的 all-time favourite 海胆军舰, 海胆实在十分甜美幼滑! 可惜紫菜唔脆, 美中不足. 赤贝都好唔错, 鲜甜爽脆, 好食; 轻轻「火炙」过的 toro 食到满口丰润油香, 劲正! 不过赤身亦无被比下去, 浓香鲜味, 正! 甜
一直对呢度好有兴趣, 睇了食友 Superbaby 的食评及相片后, 终于「忍无可忍」, 的起心肝拉埋朋友 J 剖定台0黎食 lunch 了, 0黎到门口已超兴奋!
大家都拣了 Deluxe 寿司定食 ($200):
- 前菜 #1 系海带丝, 粉粉甜甜 (木鱼汁?), 洒上芝麻, 多一份香口; #2 系芽菜, 一样甜甜的, 爽爽脆脆, 清新开胃.
- 蒸蛋: 好滑溜, 不过我觉得味道稍咸; 配料除0左常见的银杏, 鸡肉, 鱼蛋, 不知名菇菌及不知名香叶 (哈哈, 唔好意思, 我实在太孤陋寡闻了 ^_^") 之外, 呢度的仲落了日本年糕 (!!), 烟烟韧韧黏黏的又带点米香, 效果又唔错.
- 主角系 8 件寿司, 6 件小卷及一件甜蛋... 寿司饭醋味刚好, 握得 bite size,「稳固度」恰到好处, 劲! 最正系我的 all-time favourite 海胆军舰, 海胆实在十分甜美幼滑! 可惜紫菜唔脆, 美中不足. 赤贝都好唔错, 鲜甜爽脆, 好食; 轻轻「火炙」过的 toro 食到满口丰润油香, 劲正! 不过赤身亦无被比下去, 浓香鲜味, 正! 甜蛋好软熟香甜又带黠汁, 好食; 其他的仲有油甘, 鲷 (??), 鳗鱼, 鱿鱼, toro 茸小卷及青瓜小卷, 除0左鱿鱼比较平庸之外, 鱼生全都十分出色, 就连青瓜小卷都好似清新香口过人的, 哈哈.
- 最后饮杯咖啡 (亦可选水果), 又香又滑, 绝对系呢餐 lunch 的 perfect ending.
食物令人极回味, 环境亦舒服好坐, 食食0下倾倾0下, 不经不觉已经 3:15pm 了 Waitress 态度亦好, 服务贴心, 值得一赞.
连加一每人 $220, 考虑到各方面都好得无0野讲, 十分抵食, 劲开心的一个 lunch!
朋友 J, 下次食边间好呀? 棉登径街尾的 omakase?
张贴
