鮨丼 (已結業)

今日中午去尖沙咀行街，最近心情劲好因为就快去旅行！行行下见到有间餐厅主打日本菜，就上去食个午餐！最钟意日式午餐，因为每样食物都份量小小而且好精致，单单卖相已经好靓好吸引！我叫左一个午市套餐定食，寿司七件配迷你乌冬。寿司份量都算大件，分别有三文鱼、北寄贝、带子、赤身、牡丹虾、油甘鱼和海胆，饭粒烟韧有咬口，粒粒都有咬口，微微醋香，鱼生好新鲜！我最爱海胆和牡丹虾，因为够哂香甜爽口！迷你乌冬，汤底好清甜，乌冬煮得岩岩好，挂汤力高，保持咬口！好钟意定食配面豉汤、前菜、沙律、渍物和甜品，食哂好饱肚架！甜品是泡芺，我最钟意！下次带朋友上黎再试下其他野食先！