Mee...lemongrass (已結業)

原来好耐冇行过青衣城，都唔知道开咗个青衣城2期，经过2楼电梯边嘅呢间马来喇沙专门店，装修好有绿树林阴感觉，马上医肚先。Mee 喇沙材料丰富（大虾、蚬肉、蟹柳、鱼蛋、豆卜、鸡蛋同鱿鱼），份量算几大，喇沙汤底只有少少辣，味道带少少甜，我食完面后都空口饮咗1碗。无骨酸辣凤爪沙律亦系好大份，可能有超过10只以上凤爪，酸辣比例平均，如果在辣少少会更加好，凤爪煮得入味又淋。自己煮芥兰比较难煮得好，呢度马拉盏炒芥兰煮得好，好少芥兰嘅苦味，亦炒得淋，我最钟意芥兰上高嘅蒜蓉碎，增加食物层次。最吸晴系芒果糯米饭，摆设精美，造型好似寿司，一口一件芒果糯米饭，好豪气；另外加多半份左右嘅芒果碎，芒果又香又甜。珍多椰汁冰亦十分传统又正宗，椰汁香浓珍多嫩滑。