元綠壽司 (已結業)

一个人的晚上，想食寿司游游荡荡就入左去元绿。见佢有promote火锅，睇落好似又唔系贵，又贪得意试下﹗$25一个小锅汤底加一碟蔬菜，汤底是昆布汤，就咁试一啖很咸，蔬菜篮有粟米、金菇、冬菇同埋菜等。叫了两碟火锅料，一碟系海鲜拼盘，而另外一碟则是特级牛仔肉。海鲜拼盘有虾、带子、象拔蚌同埋八爪鱼棒，每样有四粒总共成十六件，讲真应该是二人份量来的，不过海鲜有得食又点会嫌多呢，虾是新鲜刺身虾﹔象拔蚌轻灼后爽甜，新鲜﹔八爪鱼棒亦烟韧弹牙。牛肉有十五蚊的美国肥牛同埋呢只三十蚊的牛仔肉，自己一个食当然食好点，肥瘦匀称，牛味亦浓郁，食牛贵野总有原因，我相信一定好过那些半肥瘦的美国肥牛。吃完肥牛再加多碟手打乌冬，$15碟一人份量，乌冬弹牙而有嚼劲，不是当当货色，吸左0的汤底精华，好味﹗再加多碟三文鱼寿司同埋蟹柳卷，埋单百六蚊，呢餐真系贵喇，出去打边炉都系差唔多呢0的价钱，估不到反而在元绿食，贵系贵0的不过味道是不错的，想打边炉又想食寿司，这里是个好去处。