鮨廷 (裝修中)

立食寿司嘅文化喺香港开始冒起，对于生活节奏急促嘅香港人，都系一个唔错嘅选择。企喺吧枱面前，一边睇住寿司师傅握寿司，一边即时品尝，又系另一番风味。寿司选项都几多，除左手握寿司之外，仲有军舰，手卷，刺身丼，同埋刺身添！拣左几款基本寿司，再拣几款特色寿司，同埋手卷。师傅一收到单就即刻握寿司喇。师傅每件寿司都会扫上少少酱油，我完全唔洗再点任何酱油，可以即刻放入口，真系好方便。三文鱼寿司嘅三文鱼油脂分布相当均匀，甜虾亦好肥美，玉子好厚又好有蛋香。我个人特别喜欢炙右口鱼边寿司同炙帆立贝寿司，炙右口鱼边好软滑，又有油香，而炙帆立贝外香内鲜，实在系令人回味无穷。蟹棒蟹糕军舰真系好邪恶呀，蟹棒好甜美，蟹糕又好香。另一特色寿司系烧带子配黑醋鹅肝寿司，原来烧带子同鹅肝嘅味道都几配，鹅肝唔会太浓味，依然有带子嘅鲜甜，食依两款寿司真系要将胆固醇括出去喇。帆立贝手卷嘅帆立贝都好足料架，由头食到落尾都有帆立贝，唔会食到尾得返醋米饭，不错呀。