影片
更多
2010-05-29
7 浏览
师傅呢期成日心思思想食寿司, 但又迟迟都未有实行, 昨日放饭时间定就决定去了左呢件心事, 于是目标系附近嘅元气寿司, 点知去到后先发现食店正在装修, 师傅当时十分失望, 正想放弃但心有不甘, 忽然醒起附近仲有呢间食店, 于是即刻飞快咁跑过去!入到去食店, 人唔多, 侍应即刻安排师傅入座, 坐底后即刻拿拿声柯打野食, 皆因师傅个肚正饿到咕咕声; 睇下张柯打纸发现有d寿司系逐件计, 有d系逐碟计, 师傅当时都没好气地看清看楚, 所以喺想食嘅就写上一字, 十分想食就写上二字, 所以结果出事!师生柯打左三文鱼寿司, 心灸三文鱼寿司, 烟鸭胸寿司, 鳗鱼杯饭, 加州卷, 广岛蚝卷, 飞鱼子军舰, 粟米沙律军舰, 吞拿鱼沙律军舰同埋火炙鳗鱼寿司! 率先登场是三文鱼寿司, 心灸三文鱼寿司, 烟鸭胸寿司, 每样一件, 师傅第一时间即刻试下件三文鱼先, 皆因刺身始终唔系师傅嘅至爱, 所以优先处理, 三文鱼寿司成旧点少少豉油, 一夹起散晒, 寿司饭身略嫌松散少少, 而三文鱼对师傅黎讲并非太靓太新鲜, 但亦未到好差, 入到口, 可以吞到, 但一件就够嘅感觉; 心灸三文鱼寿司比三文鱼寿司还要差, 味道就是怪怪
师傅呢期成日心思思想食寿司, 但又迟迟都未有实行, 昨日放饭时间定就决定去了左呢件心事, 于是目标系附近嘅元气寿司, 点知去到后先发现食店正在装修, 师傅当时十分失望, 正想放弃但心有不甘, 忽然醒起附近仲有呢间食店, 于是即刻飞快咁跑过去!
入到去食店, 人唔多, 侍应即刻安排师傅入座, 坐底后即刻拿拿声柯打野食, 皆因师傅个肚正饿到咕咕声; 睇下张柯打纸发现有d寿司系逐件计, 有d系逐碟计, 师傅当时都没好气地看清看楚, 所以喺想食嘅就写上一字, 十分想食就写上二字, 所以结果出事!师生柯打左三文鱼寿司, 心灸三文鱼寿司, 烟鸭胸寿司, 鳗鱼杯饭, 加州卷, 广岛蚝卷, 飞鱼子军舰, 粟米沙律军舰, 吞拿鱼沙律军舰同埋火炙鳗鱼寿司!
率先登场是三文鱼寿司, 心灸三文鱼寿司, 烟鸭胸寿司, 每样一件, 师傅第一时间即刻试下件三文鱼先, 皆因刺身始终唔系师傅嘅至爱, 所以优先处理, 三文鱼寿司成旧点少少豉油, 一夹起散晒, 寿司饭身略嫌松散少少, 而三文鱼对师傅黎讲并非太靓太新鲜, 但亦未到好差, 入到口, 可以吞到, 但一件就够嘅感觉; 心灸三文鱼寿司比三文鱼寿司还要差, 味道就是怪怪的, 不知怎形容, 但就是觉得差; 而烟鸭胸寿司嘅鸭胸真的好大块, 而且烟得几香, 鸭胸松身, 非常好味, 绝对有想加单嘅冲动, 不错!
接住落黎一口气就试左加州卷同广岛蚝卷, 师傅本来谂住要加州卷两件同广岛蚝卷一件, 结果系碟上, 即系变成加州卷四件同广岛蚝卷两件, 摆左个老乌添, 于是唯有照食啦, 加州卷入口十分之冻, 入口略嫌硬身, 感觉一般, 仲要食四件, 真系唔知点算? 广岛蚝卷嘅炸蚝几有蚝味, 入口阵阵蚝香, 而且热热地又唔油所以都几好味道!
至于飞鱼子军舰嘅鱼子十分爽, 份量都唔少, 味道不错, 可惜紫菜唔脆, 几腍口, 扣少少分; 而粟米沙律军舰粟炑十分香甜爽口, 加上沙律酱份量唔多, 洽到好处, 所以都不错; 而吞拿鱼沙律军舰嘅吞拿鱼十分干身, 入口就唔系好舒服, 感觉一般; 最后系火炙鳗鱼寿司同鳗鱼杯饭, 两样同样是鳗鱼,但质素真的有好大分别, 火炙鳗鱼寿司嘅鳗鱼唔腥冇骨, 而且肉身松软, 不过汁嘅味道过浓, 太咸, 扣少少分啦; 同是鳗鱼嘅鳗鱼杯饭, 鳗鱼水准真的差好多, 鳗鱼又干又实而且有好多碎骨, 口感甚差, 完全唔掂!
总括黎讲食物质素合格, 幸好师傅冇咩期望, 服务殷勤有礼, 环境干净, 价钱普通, 食左咁多野, 埋单连加一要一百二十二元, 作为午餐算贵, 不过偶尔一次都可以啦! 师傅虽然食左寿司, 系满足左食瘾, 但食完后满足感唔大, 寿司水准参切, 师傅笑脸比唔到喇, 肯定的是短期内都唔会再黎!
后记: 原来呢期食店只要食满五十蚊就会有一个印花送, 结果系师傅一个印花都收唔到, 连印花都唔比, 摆明赶客啫!
张贴
