一休(居食屋)日本料理 (長發廣場) (已結業)

今日喺附近做完运动 行咗嚟长发商场揾餐厅食饭👍🏻 见到有呢间日本餐厅 价钱又合理就入咗嚟试试😼餐厅几多卡位 坐得几舒服 静静地倾吓计就啱晒 餐牌选择都有好多 肯定可以拣到自己钟意食嘅野😛三文鱼刺身寿司拼盘 呢碟上台𠮶吓好震撼🤧 谂唔到佢有咁大只船 我都哗咗一声呀 佢上面有三文鱼刺身 三文鱼刺身 火焰厚切三文鱼腩寿司 辣味三文鱼寿司 花之恋 火焰胡麻汁三文鱼卷 我呢个三文鱼迷见到都流晒口水🙊 有齐晒咁多款三文鱼嘅寿司 佢嘅三文鱼生全部都好厚切 火焰厚切三文鱼腩寿司真系好厚👍🏻 鱼既油香充满成个口腔 好满足 另外辣味三文鱼寿司嘅味道同出面食嘅有啲唔同 佢入口系少少酸 之后先有辣味 好有层次 都几好食🤓鳗鱼炒饭 其实佢有好多款炒饭拣嘅 但女朋友特别钟情鳗鱼 所以就嗌咗鳗鱼炒饭喇🐟 嗌嘅时候都唔知会配埋面豉汤😮 碟饭嘅鳗鱼粒都几多 而且炒得好均匀 唔会有啲位好咸有啲位好淡👍🏻 份量都几足 啱晒做完运动 补充翻体力⚡️炸鸡软骨粒 冇谂到份量会有咁多😻 每粒都炸得好香脆 咬落去又唔会好油腻 配埋侧边嘅沙律酱好正🤤 炸物同呢款沙律酱真系好夹下次再叫条寿司船嚟打吓卡先😼