板長壽司 (奧海城3期) (已結業)

板长一直算系我同老死既饭堂之一，基本上食惯左次次都系食返果几款。今次黎到都系差唔多。奥海城店搬左之后环境光猛同企理左。海胆三色迷你丼 ($38)呢期新推出既海胆三色迷你丼真系几抵食，因为海胆都几多，同三文鱼子两样都够新鲜。除左平时既三文鱼酱油渍寿司之外，呢排我仲好推介柚子碎油甘鱼军舰，同埋薄烧牛肉（虽然呢个好睇个别师傅手势同心情）。不过如果食得多板长板前既都知道，板长既刺身质素真系每间分店同每次食都唔同，其实中伏次数都好多，我地都已经接受左。呢间分店暂时都未有入黑名单，可以继续黎！呢期仲有$6芒果梳打特饮，都唔错的。