奧壽司

营业中

休息中

跟大人好耐无去数码港，难得今日心情好就跟大人拖吓手仔两口子睇吓戏食个饭睇吓海景咁。之前一向睇完戏就去"奥寿司"食饭，因为大人最爱食日本嘢今日当然都唔例外，去到环境装修都keep到,服务依旧好食物先系最紧要，仲系咁新鲜可口。本人最钟意先睇一睇厨师推介再睇 menu, 拣咗一轮我哋决定要个九州网池鱼，池鱼加少少姜蓉同葱花夹埋一齐食简直美味到震，一个忌廉香蒜酒煮蚬，忌廉又浓又滑蚬又煮到刚刚好食到个蚬嘅鲜甜味，一个寿司鱼生饭，依个饭一到就见到满满嘅刺身甜虾，三文鱼，带子，油甘鱼，玉子，鱼子等…个饭上面仲有紫菜跟芝麻令个饭更香，再叫个牛肉锅，个牛肉锅蔬菜丰富牛肉就另上估唔到份量都唔算少，肉质都唔错令我跟大人都食到饱饱，因为我哋仲叫多咗份牛肋骨所以饱到不得了，好彩仲可以去行吓草地睇吓海景俾自己消化吓。