壽喜燒 友 (已結業)

今晚同男朋友慶祝生日，估唔到食壽喜燒都可以包含咁多野，一個晚市套餐都好豐富！🍣刺身：真鯛、赤蝦、馬糞海膽口感細膩既真鯛，鮮甜如夏日既微風；鮮艷軟糯既赤蝦，肉質飽滿誘人；令人心馳神往既馬糞海膽，口感醇厚，滋味爽脆！🌮和牛他他配最中餅精緻既和牛搭配熊仔造型既最中餅，一個好好既配合，豐潤既和牛他他香氣四溢，口感滑嫩，同最中餅既酥脆口感完美融合，帶黎一場咀嚼既盛宴！🥘壽喜燒A4和牛 -肉眼，西冷，肩肉一次過品嘗3款A4等級既和牛，肉眼特別軟腍，亦有啲筋位，幾有咬口，西冷同肩肉亦散發住著濃郁香氣，香甜味美！呢個set 仲配有兩款蛋，去增加不同肉質口感和味道。蘭王蛋配西冷，肉眼，味道好濃厚，而牛肩就搭配雲朵形狀既蛋，牛肩牛味重啲，呢款蛋不會遮蓋牛味。仲有其他前菜，季節料理等等，甘都只係$1080 per head！