壽喜燒 友 (已結業)

午市都会有omakase，仲要系寿喜烧既omakase，有8品料理，价钱又唔贵，$580一位抵呀！🌼前菜冲绳水云、松叶蟹冻蛋、鸭肉松风、蜜柑寒天，每款都特别，每款都好食，水云好爽弹，口感好得意，蟹冻加上蒸好既滑蛋又系另一鲜香既配搭，鸭肉整成一粒糕点形状，烟韧有嚼劲既口感，蜜柑都系一粒糕，冻冻地同样好食！前菜既份量唔会太多，不过份量少就显得更加精致好食！茶碗蒸🪻茶碗蒸一杯份量，蒸蛋完全无倒汗水，好滑溜，蛋香好浓，配料都系普通既冬菇，唔会好咸好浓味，食到既反而系淡淡既鲜香清香，整得好好！🌻日本野菜日本野菜一碟有杂菜同冬菇，全部都用寿喜烧汁慢煮过再上碟，每一条菜都吸收晒烧汁既香味，而且炆煮得好淋，又够晒入味，绝对唔单调呀！寿喜烧🌺呢个绝对系呢个餐既重点，用上A4和牛做主料，一次过食到3款不同口感， 肉眼，西冷，肩肉，各有特色，好中意肩肉，肉质特别鲜嫩多汁，细滑味美，无论系配烧汁同菜食，定系简单咁点生鸡蛋去食，味道都系咁难忘！