千里屋食堂 (已結業)

铜锣湾日式餐厅越来越多，从时代广场街番过去世贸中心既时候见到呢间新开既千里屋，仲要日本人员工热情为我地介绍餐牌，咁就试下啦！《寿喜烧御膳 $189》寿喜烧除咗有一锅菜之外，另外仲有白饭、味噌汤、腌牛肉、鸡蛋卷！重点当然系一碟我一个人都食唔晒嘅牛肉！寿喜烧汤底甜美而够浓，好啱重口味既朋友！只要将牛轻轻煮十几秒，牛肉已经吸收到汤底既甜味，之后放入搅拌过既生鸡蛋过过冷河，咁就食得！正！我一个人都食唔晒，确实抵食。配菜中既煮牛肉味道唔错，色泽已经反映左系重口味的～不过我钟意！ 《和牛铁板三种 $298》朋友就选择左较贵嘅和牛铁板餐，果然系一分钱一分货！和牛入口即溶，油脂丰盈，三种和牛嘅口感同油脂分布有少少唔同，另外仲有酱油、芥末、及盐调味，其实牛嘅质素咁好，即使唔点任何调味都已经好好食！食饭嘅时候，都见到有日本游客特登嚟呢度，而餐厅内亦有日本侍应，令你感觉身处日本中。