拾う月

营业中

休息中

新蒲岗有一间好本地嘅日本餐厅，主要做街坊生意～见到佢有啲日本饭、便当价钱都唔贵，里面嘅装修又可以睇吓鱼游来游去都几写意～｜寿喜烧牛肉锅二人前｜寿喜烧两人份都系$198，蔬菜好新鲜，洗得都好干净，材料有金菇、本菇、豆腐、豆卜，大葱、洋葱，寿喜烧酱汁甜甜地，再加埋咁多材料捞埋汤底好鲜甜～｜炙烧三文鱼 明太子酱｜三文鱼烧过之后特别香口，鱼油香浓，再加埋明太子酱令到三文鱼嘅味道层升，味道更加丰富～饭上面仲有好多幼滑嘅蛋丝，捞埋一齐食味道真系唔错～｜鲷鱼烧｜鲷鱼烧里面系吉士酱，即叫即烧，外型一条细细嘅金鱼咁，外面有啲脆咬落有嚼头，都几得意，值得一试～