影片
更多
2023-12-21
144 浏览
细声讲：其实我系未食过OMAKASE，临近生日朋友约食饭，话不如去试吓铜锣湾新开呢间寿喜烧～门口行入去都几和风，短短嘅走廊都装修成日本庭园咁。入到去有分Bar枱同卡位，而我同朋友亦安排坐喺Bar枱位置，拣咗$850嘅Sukiyaki Omakase嘅Lunch Set～前菜：木盒入面有几款咸甜并重嘅前菜，先食一个细细哋嘅海胆茶碗蒸，但因为我唔食海鲜，所以将海胆俾咗朋友，但隐约食个蛋都有海胆𠮶种鲜味，喜欢食海胆嘅朋友应该会好中意！有趣地，下一款大厨建议食甜嘢，一旧炸过嘅合桃，用嚟解腻，感觉几得意好似食紧全盒咁。之后就系一旧有汁嘅牛肉，同埋我冇食到嘅炸八爪鱼，最后就食埋甜甜的羊羹。茶碗蒸：Regular Size 嘅蒸蛋，非常滑溜，但我再次将上面嘅鲜虾俾咗朋友～希望师傅唔好误会我系因为难食所以俾人。刺身3款：刺身分别有带子、海胆、吞拿鱼（好似系），因为我唔想浪费，又唔想朋友要帮我食晒，所以我终于开口同咗师傅讲唔使切俾我。但朋友就话刺身相对失色，唔算特别惊艳。寿喜烧 和牛A4 - 肉眼 x 1片、西冷 x 1片、肩肉 x 3片到咗重头戏，餐厅俾咗两碗生蛋我哋，一款系兰王，一款系无菌蛋（好似
前菜：木盒入面有几款咸甜并重嘅前菜，先食一个细细哋嘅海胆茶碗蒸，但因为我唔食海鲜，所以将海胆俾咗朋友，但隐约食个蛋都有海胆𠮶种鲜味，喜欢食海胆嘅朋友应该会好中意！有趣地，下一款大厨建议食甜嘢，一旧炸过嘅合桃，用嚟解腻，感觉几得意好似食紧全盒咁。之后就系一旧有汁嘅牛肉，同埋我冇食到嘅炸八爪鱼，最后就食埋甜甜的羊羹。
茶碗蒸：Regular Size 嘅蒸蛋，非常滑溜，但我再次将上面嘅鲜虾俾咗朋友～希望师傅唔好误会我系因为难食所以俾人。
刺身3款：刺身分别有带子、海胆、吞拿鱼（好似系），因为我唔想浪费，又唔想朋友要帮我食晒，所以我终于开口同咗师傅讲唔使切俾我。但朋友就话刺身相对失色，唔算特别惊艳。
寿喜烧 和牛A4 - 肉眼 x 1片、西冷 x 1片、肩肉 x 3片
到咗重头戏，餐厅俾咗两碗生蛋我哋，一款系兰王，一款系无菌蛋（好似云咁嘅泡沫蛋白围住个蛋黄），然后叫我哋打蛋后，阵间嘅肉可以点蛋汁食。实质次序同啲牛肉嘅产地我都记得唔太清楚，但系大厨系会show埋只牛嘅标签同产地俾食客睇，我自己最中意系第一款嘅京都肉眼，餐厅仲会喺食每款肉前再为你添米饭，非常贴心。
日本野菜5款、米饭、渍物、味噌汤：
印象中有款冬菇（？）豆腐非常入味，虽然感觉好似中菜。啲饭粒粒分明几有米味hahahhahaa 但作为半职素食者，竟然最中意个炒椰菜，好正，完全feel到啲菜系好新鲜！唔好讲笑，其实真系食到好饱，之前未食过OMAKASE以为逐小碟咁食会唔饱，食完晒啲饭呀菜呀竟然都仲有肉上紧，然后再俾个汤，再俾个鸡蛋盖饭⋯
我都忍唔住问职员，到底食完未⋯
甜品：
当日有抹茶雪糕同柚子雪葩可以拣，我同朋友都拣咗雪葩，可能我本身唔太中意食甜嘢所以觉得还好～同埋可能因为用新鲜柚子整？所以系有种涩味，但见到厨房系有部日式刨冰机，职员话夜晚嘅set先有刨冰甜品提供～
张贴