貴族蛋糕

营业中

休息中

今年妈咪生日决定向屋企亲自下厨，顺便再拣返个特色蛋糕开心一下，记得早排同事提起上次订咗个寿桃立体蛋糕庆生，问佢拎电话打去预定一个先。蛋糕店位于花墟附近，离地铁站大约7-10分钟左右，非常方便。店家门口冻柜都放有好多不同款式嘅蛋糕。见到冻柜入面有我最爱嘅木糠布甸，紧系要买杯返去试下，仲有家姐钟意既日本芝士蛋糕，芒果布甸，一次过买哂返去等大家都开心一下。差啲唔记得咗要拎蛋糕，实在买得太开心😆寿桃蛋糕果然系招牌蛋糕，造型设计都好喜欢，而且妈咪仲好钟意，蛋糕内馅系新鲜什果cream cake , 味道好怀念好有细个儿时感觉，蛋糕松软绵密，什果鲜甜，而且蛋糕附近仲围住好多生果，好款都好甜好美味。蛋糕2磅起-$500（2磅）木糠布甸 $20口感较实，饼干碎非常多，味道软滑香浓。芒果布甸 $16芒果味香浓，入口顺滑。日本芝士少甜蛋糕 $22味道不算太甜，比较健康，口感湿润松软，芝士味浓郁。