茶茶GO (已結業)

今日去开湾仔呢边买𩠌，就经过呢一间饮品小店，餐厅已台式嘅饮品为主，跟住喺佢嘅橱窗出边仲有好多种唔同嘅蛋糕，钟意食蛋糕嘅朋友都可以外卖，餐厅嘅餐牌非常多元化，而且真系花多眼乱，价钱嚟讲，我觉得呢个非常亲民，喺湾仔嚟讲真系唔算太贵，我同朋友就每人叫做一杯试吓，店员即叫即做，正！夕烧十八夕玉，朋友就叫做呢一杯试吓，去咗茶底非常香浓，而且加埋夕玉，增加咗成杯饮品嘅口感，夏天嚟讲饮呢一类消暑嘅饮品真系非常正，而且我觉得甜度都非常正常，本身就系一个唔系太钟意饮太甜嘢嘅人，餐厅喺条配嘅饮品方面都做得唔错，呢一杯嘢饮我都试咗两啖，唔错！金锽杨枝甘露，我就叫咗呢一个，因为我非常钟意芒果嘅配搭，份量嚟讲大大杯非常抵饮，而且非常多芒果嘅果肉，亦都非常鲜甜，食到芒果本身嘅香甜味道，整个配搭上都有啲似许留山以前嘅配搭，而且非常好饮，口感亦都非常软绵绵，夏天嚟讲真系冇得输，钟意芒果系列嘅朋友真系唔可以错过，整体嚟讲我觉得都唔错！餐厅仲有外卖蛋糕，见到我哋喺等紧饮品嘅时候都有人买，见到有开心果味嘅蛋糕，下次有机会再行过嘅时候买一件返去屋企试吓先！