茶墨 (已結業)

夏天热辣辣，最开心就系入商场避暑， 叹返杯冻冰冰嘅野饮降下温。因为太耐冇嚟The ONE呢度，都唔知顶楼开咗间茶店。我同朋友见呢间茶店有特色，装潢骨致，竟然可以坐底堂食，就选择呢度闲座一吓。 呢间茶店喺开放形式， 喺商场通道两旁设置咗一啲座位同企位。细阅餐单，我地叫咗水墨风系列。既然要饮，当然要饮最特别， 最少见既饮品啦，打卡影相都好靓！我地就叫左个黑糖珍珠 芒果鲜奶， 同埋紫薯铁观音沙冰。因为可以以饮品加配价食埋个雪糕， 所以我地亦叫左一球试试。▧ 黑糖珍珠 芒果鲜奶芒果配上珍珠奶茶， 未饮时以为会怪怪的，深怕芒果味会被黑糖抢味， 但试过后又觉得挺和谐， 重点系要先搅拌再饮。 如唔搅就饮，层次味道会冇咁夹，无咁突出。▧ 紫薯铁观音沙冰卖相真系好靓， 同店名一样， 好有水墨风风格。紫薯味饮品向来都受欢迎， 呢间既紫薯铁观音沙冰都好好饮。 茶上有层奶盖，饮品内有紫薯粒， 配上铁观音，好夹好饮。 ▧ 低脂意式雪糕 - 铁观音茶味嚟到以茶作主打嘅店， 当然也要试试茶味雪糕。铁观音味雪糕好少见， 唔钟意好甜， 想试一试香浓茶味， 又想食冻冰冰既雪糕，呢款必试。