十二味麻辣三兄弟 (已結業)

辣妹约我去试辣野，天气咁热，唔想食鸡煲和打边炉，见有新店，干锅好像几新鲜，就试下啰。"Chili Party 3.0" 英文名易记过中文名，喜欢这店的位置，地舖不用等lift ，食辣野最紧要系冷气够凉！这间pass有余，有卡位，女仔最爱坐卡位倾计。店员们都很年轻，有礼貌。赞！前菜 猪耳，木耳欣赏这店两种耳辣味不同，唔hea㖞！有啲店所有辣都差不多味，这店ok, 不错的前菜，开胃爽口，有口感，但辣味不能低估，饮左大半杯水。香辣鲜虾锅(小辣)Size比想像中大锅，钟意这样的干锅，无鸡煲咁热咁油，夏天很啱食。这虾锅卖相好得，一只只既干椒，未食都兴奋，虾很大只，壳薄又脆，我选择连壳食，lok lok 脆。惊喜位，锅有好多配菜: 莲藕，年糕，四季豆，薯仔！！配菜超好食，四季豆的清新，莲藕片的爽甜，薯仔既香口，中和晒成个煲既浓味，值得赞赞个年糕，年糕我一直唔like, 一旧粉又架胃，但今次有dd改观，厨师煎到年糕干身，硬硬地才放入锅中，吸左虾味，入口有咬口之余，脆脆地咁！我破例追加！ 虾锅整体好食，唔太辣，餐牌上写有变态辣，变态朋友可以一试。