夏雪 (已結業)

星期二下午气温高达32度,同朋友行过吉席街半边身湿哂,见到夏雪呢个时候冇人排队(夜晚就唔系咁讲法 )当然直冲入去啦,4点几已经坐无虚席,墙上既黑板写上餐牌配上手绘既食物图画,令我感觉年轻不少 ,呢度出名既系窝夫,而且即叫即做,当然要点啦!等左几个字,终于上桌啦两件窝夫分别放上心太软及朱古力雪糕,心太软同埋雪糕两者朱古力味香浓,甜而不腻,配上淡忌廉,香蕉同埋士多啤梨,入口清新;窝夫亦果然名不虚传,新鲜热辣,外面焗到脆卜卜,而且唔太厚唔太甜,用黎点心太软漏出黎既朱古力酱同埋雪糕就最适合不过啦再等多几个字,呢杯雪糕又黎啦,先吃上面果层软雪糕,软绵绵甜蜜蜜,简直透心凉呀跟著就系侧边既香蕉,原来搽左层糖浆,咬落去又脆又软好好味,下面杯底就系云尼那雪糕同埋朱古力雪糕.食哂两款甜品,感觉唔会太甜太腻,大热天时入黎抖抖,当堂舒服哂~真系明符其实,夏雪夏雪.......夏天的雪