許留山 (已結業)

今日个天好热，放咗工经过旺角许留山见到有3款西柚爽嘅产品，即刻俾佢吸引咗。因为平时都钟意饮西柚汁，又钟意食芒果，所以呢款饮品啱啱好满足到我。佢有三只味，西柚芒果爽、西柚芦荟爽同埋西柚雪蛤爽。之前饮开芒椰芒果爽，好钟意佢d芒果爽，芒果味好浓，但系见到个西柚芦荟爽我又想试，唔知买边个好。朋友话佢钟意西柚芒果爽，甘佢就拣咗芒果，我就唔使谂拣咗西柚芦荟啦。本身一杯$20，我同朋友一齐买就$32两杯，好抵呀！因为好热，所以饮得好快。同埋好钟意芦荟爽入边𠮶旧大jelly,好爽好滑，仲有d芦荟味。一啜就啜咗一半入口，个感觉真系好过瘾。因为我一开始冇搅开佢，分开饮咗西柚𠮶层同芦荟𠮶层，d味道好自然，果然系真材实料。西柚味好浓，芦荟味淡淡地唔会太甜,朋友提我搅匀嗮佢,两只味一齐入口仲好味，又真系喔，西柚嘅少少苦味同芦荟嘅少少甜味沟埋一起，又苦又甜系我最爱。D芦荟粒好好味，几清新。我都试咗个芒果味，d芒果jelly不嬲都甘好味架啦，本身以为芒果同西柚两只味可能唔系好夹，但系原来都几好几特别喔，之前从来未试过，不愧系许留山，d芒果无论点整都系甘好味！