101手工涮涮鍋 (已結業)

夏天都系打边炉嘅好日子，去到呢间餐厅，火锅套餐选择多，一定啱晒香港人口味。首先有叫左呢个冬瓜卜卜蚬锅，蚬肉数量十分之多，而且每只蚬肉都够饱满，加上冬瓜系火锅材料之中，汤底够晒鲜味。接著有呢个海鲜拼盘: 有新鲜蚝只、生虾、马刀贝，蚝只上枱时已经闻到阵阵鲜味，放入汤中，更系啖啖鲜味满足。而马刀贝亦系份量十足，饱满之余亦弹牙具咬口。手切安格斯肥牛片，脂肪比例分明，入口既有牛肉肉香味道，亦有嫩滑口感，系滚汤中大概30秒即刻食得。而手工火锅拼盘，食材就更加丰富，有太极冬茹、蟹肉饺、芝士墨鱼丸、虾丸、霜降牛丸等等，保证大家一定够饱。而各款手打丸极为出色，绝对唔系平时啲打工食品，而系食到丰富嘅肉味，弹牙十足，加上芝士嘅点缀，味道更有层次。而新鲜即炸嘅响铃、鱼皮，亦系打边炉必点之选，件件份量都唔细，而且香脆无比，浸一浸汤底吸收精华，非常之好味！最后有青苹果可乐沙冰，冰凉感觉，加上青苹果清新味道，最啱夏天饮。而红枣雪耳凉粉，甜味适中，加上凉粉爽滑口感，一人食一客就最满足。