一品雞煲火鍋

营业中

休息中

虽然已经过咗冬天, 呢排仲33-34度……但炎热嘅天气完全冇阻止到我想食鸡煲嘅心, 所以就约咗中学同学两个人在旺角好景商业中心食一品鸡煲。我哋冇book枱，去到大概6点45分所以未算系好多人。大家记住唔好去到就禁飞然后坐响到等, 因为如果太早佢唔会开始用部机, 直接揾waiter就ok。一去到坐低就叫咗半只嘅麻辣鸡煲(小辣)。个鸡煲系会预先响厨房煮咗少少, 然后再响自己个位加热煮多大约15分钟。呢间餐厅嘅麻辣鸡煲有啲偏甜, 而我个人就好钟意食。除咗鸡煲我地仲叫咗青口,意想不到嘅新鲜!另外都叫咗鱼皮饺, 就一般啦冇咩头特别。跟住就系我至爱响铃,总共有八条。新鲜炸出黎嘅响铃配合麻辣汤底, 真系好好食!饮品方面我地就叫咗一榨竹蔗茅根同埋一杯超大嘅冻柠茶。两个都好好饮同好大, 不过有少少偏甜。最后埋单大约二百几蚊一个人 。 虽然话就话夏天, 不过食鸡煲仍然系一个几唔错嘅选择。