十二味麻辣小當家 (已結業)

岩岩喺铜锣湾做完facial，老公出黎接我食lunch! 呢排天气热到飞起，冇乜胃口食野，老公提议不如去食辣野！最后去咗呢间十二味麻辣小当家！一入到餐厅已经闻到好香嘅麻辣味，见到周围枱嘅人食得津津有味搅到我哋都好期待！餐厅主打食麻辣烫同埋麻辣干锅！麻辣烫价钱比麻辣干锅平，职员话因为麻辣烫嘅份量比较少，两种食法所配搭嘅配料都有少少唔同！因为天气太热，我地最后拣左麻辣干锅，贪佢冇汤冇咁热！麻辣干锅可以选择微辣、小辣、中辣或者大辣！老公唔系好食得辣所以我哋拣咗小辣！每个锅最少要拣5样配料，配料嘅选择好多有肉类海鲜蔬菜粉面等等，我哋最后拣咗肥牛、贡丸、鸡翼、豆皮、窝笋、金菇同埋宽粉！一上枱！哗！份量比想像中多！仲有好香嘅麻辣味！锅入面有大量芫茜、辣椒（唔同size)、葱、花生、芝麻，同埋一啲我唔识嘅香料！老公赞佢嘅麻辣味同香港其他餐厅嘅好唔同，反而同喺台湾食嘅麻辣味好似，麻得黎唔太辣，香得黎又唔太咸！比起食麻辣火锅，呢个麻辣干锅冇左面头𠮶层油，反而冇咁肥腻！我地点嘅配料同个麻辣好夹，肥牛贡丸正常冇乜特别、鸡翼食得出系腌过、好细心咁切成单骨方便食！豆皮有少少似上海菜嘅「百页」，食落鞋鞋地味道不错