PokéToké

营业中

休息中

👦🏻同朋友去完旺角行街，梗系要去揾好野啦！今次就黎到排哂长龙既PokéToké，试试佢既盖饭！🌟特色风味盖饭（大满贯）大满贯包括左三文鱼，吞拿鱼，中华沙律🥗，杂锦香菇🍄‍🟫，牛油果🥑，玉子丝蟹籽，寿司饭底配上山葵蛋黄酱，同时亦用左紫菜丝，木鱼丝同黑白芝麻作为配料。成个饭黎讲份量充足，三文鱼同吞拿鱼都非常新鲜，咬落满满既鱼油🥰🥰，最值得讲既系香菇好有咬口！🌟厚切盐烧海苔牛舌温泉蛋丼呢个丼饭系餐厅既新品，即叫即制，份量非常充足。牛舌每一片都十分厚身，咬落去唔会痴口，超级淋！连埋温泉蛋同海苔捞饭简直系一流既配搭！🌟草莓奶昔🍓饮完完全唔会觉得好甜，饮落去啖啖果肉，完全系黎自草莓既鲜甜🍓，既有果香又有奶香！