影片
更多
2021-09-30
190 浏览
中环新开居酒屋𝕩酒吧 MUSUBI HIRO化身超人用无数饭团喂饱我地呢啲饿鬼。抢眼型格嘅门面背后 内藏多款特色夏威夷饭团，除左有最经典嘅午餐肉，仲有海胆、松露和牛、鳗鱼、鸭肉等口味。亦唔少得创意小食、鸡尾酒。无论菜式、装潢定餐厅概念，都充满特色。如果好豪爽地：「呢round我嘅！」，更可获年轻艺术家将自己嘅靓样画上墙壁。▪️Classic musubi $68最经典嘅一款御结~ 午餐肉以特色酱汁腌煮，加埋圆润饱满嘅日本越光米，基本上系不败组合。温热唔dry，午餐肉意外地唔太咸，唔会食到肾亏。▪️Super mega musubi $108系心形嘅御结呀！入面同样包有午餐肉，size比classic个款大啲之余，仲多左层炸皮！外层超脆，咬落去真系会咔嚓咔嚓！最好点埋旁边微辣嘅酱汁，增添湿润感之余，食落又无咁单调无咁腻。▪️Omg sea urchin musubi $288海胆控双眼发光！海胆落得毫不手软！加拿大海胆肥厚滑身，稍微带腥。香葱同中间嘅wasabi酱令御结生色不少~▪️Chicken wings & Shishito $78鸡翼高质㖞！外皮薄脆，鸡肉滑嫩多汁，调味十足。仲要系单骨架
化身超人用无数饭团喂饱我地呢啲饿鬼。抢眼型格嘅门面背后 内藏多款特色夏威夷饭团，除左有最经典嘅午餐肉，仲有海胆、松露和牛、鳗鱼、鸭肉等口味。亦唔少得创意小食、鸡尾酒。
无论菜式、装潢定餐厅概念，都充满特色。如果好豪爽地：「呢round我嘅！」，更可获年轻艺术家将自己嘅靓样画上墙壁。
▪️Classic musubi $68
最经典嘅一款御结~ 午餐肉以特色酱汁腌煮，加埋圆润饱满嘅日本越光米，基本上系不败组合。温热唔dry，午餐肉意外地唔太咸，唔会食到肾亏。
▪️Super mega musubi $108
系心形嘅御结呀！入面同样包有午餐肉，size比classic个款大啲之余，仲多左层炸皮！外层超脆，咬落去真系会咔嚓咔嚓！最好点埋旁边微辣嘅酱汁，增添湿润感之余，食落又无咁单调无咁腻。
▪️Omg sea urchin musubi $288
海胆控双眼发光！海胆落得毫不手软！加拿大海胆肥厚滑身，稍微带腥。香葱同中间嘅wasabi酱令御结生色不少~
▪️Chicken wings & Shishito $78
鸡翼高质㖞！外皮薄脆，鸡肉滑嫩多汁，调味十足。仲要系单骨架！岩晒我呢啲懒人
▪️Holy nomomo eggplant $98
茄子经炙烧，质地软腍带焦香。酱汁红白相间，红色辣酱带蕃茄酸味，白色乳酪刚好能够中和其辣度。面头嘅炸云吞皮一添香脆口感。呢个冷盘作为前菜相当开胃~
▪️Crab in a bag (1pc) $58
腐皮装满蟹肉同生洋葱！呢个combo意外地清新。腐皮湿润多汁，面头仲舖左条海葡萄，略嫌蟹肉鲜味较为淡薄。▪️Sweet finish $38/pcs
个名又改得几好㖞~ 真系为呢餐画上完美嘅句号。薄脆嘅波波装满6种生果混合而成嘅酱汁。真材实料，浓稠清甜，红肉火龙果同百香果味道突岀。食呢个甜品口大有著数！一啖食晒先唔会滴走晒啲汁，仲可以感受到香甜果酱系口中爆发。系令人又爱又恨嘅甜品
张贴
